Jedi Epidemie s’Salz wo d’Evolution i üsi Wunde leidt
damit sichs leiernde Hamschterrad, nur für en Momänt ned wiiterdreiht
Neuorganisation verlangt, vodr chlinschte Zälle, zum Himmelstrohn
Oder zmindescht vo üsere aller beschränkte Vorstellige drvoh
Inspiriert, villicht insziniert, doch jede Keim, belehrt dr Geischt
und plötzlich glaub ich nümme länger, was ich plötzlich i mir weiss
Gwüssheit wacht i mir, i däm Bereich, wo dr Kreim d’Seele bearbeitet
und d’Weisheit, vo d’Wälteseele sich infektös usbreitet
Jetzt sitzed alli ellei drhei, die einschtmals ach so Gstresste
vodr Kultur dumm ghaltne Primate i fremdi Läbesentwürf presste
Und sie sitzed und warted, und hanged all no adr Hoffnig
Wo i däm Zytgeischt höchscht chaotisch, d’Hoffnig doch ja wohl scho längscht tot isch
Also handlid, bevors z’spaat isch und wüssid dass hüt dr Tag isch
und s’Jahr isch, und dr Zyklus vome neu zsetzende Kaländer
Beschwore i fremde Länder i vergangene, uralte Zyte
besigled, begliche, mit totbringende Schwüür us vergässne Riite
Und s’Lüüge das wird tüür, ja d’Wirtschaft liid am Bode
und paar wenig verborgi Monarche, stiieged wie Noha us dr Arche
Doch die raschtlosi Masse? D’Masse sie erhäbt sich, wer heds dänkt
wär heds dänkt, wär heds dänkt? S’Gahd nur unter was Beschränkt
d’Haltig zum Biispiel, mir siged a däm Ganze unbeteiligt
eusi aller kultirelli Haltig, erfahrt Inshallah tüüfi Heilig
Du entscheidsch dich, mit jedere Handlig obd en Teil vodr Heilig bisch!
Bisch du en Teil vo dr Lösig, oder seihsch du wiiterhin Angscht, wo froh gedeiht
Verborgni Schriftzeiche us China,,
Kriise, Chance, bilded sglich Zeiche
medial liecht überzeichnet, wirft doch guet s’Liechti is Dunkle,
Und Am dünkelschte Horizont gsehsch d’Stärne am hellschte funkle!
Entborgi Schriftzeiche us China,,
Kriise, Chance, bilded sglich Zeiche
medial liecht überzeichnet, wirft doch Liechti is Dunkle,
Und Am dünkelschte Horizont gsehsch glich Stärne am hellschte funkle!
"Der Vogel kämpft sich aus dem Ei. Das Ei ist die Welt. Wer geboren werden will, muss eine Welt zerstören. Der Vogel fliegt zu Gott. Der Gott heißt Abraxas.“ Hermann Hesse