All das gläbte Läbe, all das Wunderbare
Alles Schöne und Vitale, all das Wahre
Brutal intensiv im Läbe erfahrne,
Ich mein alles was mir zwei je hend zäme teilt

Alles muss so intensiv wie’s gläbt gsi isch zrugg gnah wärde
Jedi no so glücklich Beziehig irgendwänn beändet wärde
Und sigs au erscht im Stärbe

Es Läbe liid in Schärbe, so chasch Mosaik beginne
Die heilig Arbeit a däm grosse, kosmische Mandala i dir inne
Mir verbinded üs, bis uf dass üs s’Schicksal doch zerrisst
Dr Trännigsriss d’Energiebilanz usgliicht

Egal wie schön dasses grad isch, wieviel Liebi ich investier
Umso tüüfer ich mit dir gah, deschto tüüfer liid ich
Wenn ich schlussändlich muss gah vo hie

Jede Ufstiig glichziitig Abstiig, jede Verluscht isch doch Sieg
Jedi Befreiig gliichzytig Gfängnis, jedes Gschänk glichzytig Bedrängnis
That’s it: We all gonna die alone

Vier Toterichter wärded richte, was chasch du vom Läbe brichte.
Wär bisch du worde, belehrt dure Körper, e Geischt und
Belehrt dur die tobende Emotione? Verschtahsch

Alles Lebändige muss stärbe, jedes Gheimnis sich verbärge
Um d’Sunnesiite z’läbe, muss d’Schattesiite sie träge
Kriise d’Rücksiite vom Läbe, nimm dr Zyt si zerläbe
Oder schmeiss dir tagtäglich en Pille gäg s’Läbe

Vom allerschte Atemzug ah, hemmers Gift ufgnah
Ums deno z’potentziere, wenn mr Liebesbeziehige ihgahd
Und ich cha dr Maa verstah, und verstah d’Frau ja au
Wo us Angscht vor Verletzig, kei Beziehig meh z’füähre traut

Und so stirb ich. Will so Stirbsch du
So stirbsch du. Am Du zum Ich