Mach’s genau so, wie’s dir richtig erschiint min Fründ
Jedi Erfahrig gwünnt, irr dich - stell denn dr Irrtum richtig
Sisch ned wichtig, min Fründ, nä-ä, sisch ned wichtig
Was din Nachbar drüber meint, was er seit sisch ned gwichtig
Mach’s ganz ellei eso, wies dich zum Mache vo inne her ahtriibt
Drbi Fähler zmache, verwärflich? Ich lache i keischter Art und Wiis
Denn eigeni Wäg zgah isch immer und immer und immer beschwärlich
So bitte bis ehrlich: Chunsch du nid wiiter, denn gestahs dirs eifach ih
Frags Härz drbi wo sin muetigi Zuespruch bliibt
Denn was dir hüt misslingt, glingt mit sinere Hilf zu sinnere Zyt
Es glückt bestimmt, ja’s andersmal bestimmt
Ja alles, jede Fähler, verzeiht dir dini inneri Länkig
Alles - usser dem eine, dere eigne Abwärtssänkig
Also bitte wird nie banal, suech wiiter nachem Sinn überall
Vor dinere Nasespitze, bis i de letzschte Ritze vom Wältall
Und denn irr dich min Fründ, ja denn irr dich grad no mal
Irre isch mänschlich, nume s’Zerbröckle peinlich
Stah zu dir, dinne Fähler, ned nur vermeintlich klangheimlich
Irre isch mänschlich, nume s’Zerbröckle peinlich
Mach’s ellei wie du wettsch, denn versuechs grad no einisch
Irre isch mänschlich, nume s’Zerbröckle peinlich
Stah zu dir, dinne Fähler, ned nur vermeintlich klangheimlich
Irre isch mänschlich, nume s’Zerbröckle peinlich
Mach’s ellei wie du wettsch, denn machs grad no einisch
Ey, und denn lies ändlich mal vom "Herbert Fritsche - die Erhöhung der Schlange"
Sünder und Büesser, verbündeti Brüäder
Am Striite und Liide, i unsichere Zyte
Büezer als Sünder und Büesser verbrüädert
I früähnere Zyte s’Verstrickt-si gmündet
Überläbe, Statt Läbe, Chläbe, statt schwäbe
D’Verbindig Hämmig und Ängi, Liide und Schmärze
Dini Sälbschtzwifel zwiflet s’Sälbscht ah, ja
Dini Sälbschtzwifel zwiflet sälbscht s’Sälbscht ah
Zwiflis drbi, dini eigni Zwifel ah
Zwiflis drbi, dini Zwifelszwifel ah, ja
Irre isch mänschlich, Zerbröckle peinlich
Richtig isch, du irrsch dich meischterlich
Drum mach’s genau so, wie’s dir richtig erschiint
Und irr dich,verirr dich richtig
Sisch ned wichtig, min Fründ
Sisch ned so wichtig
So Zerschlah dis falsche Sälbschtbild, wills dir bi dr Konzepzion zchli grate isch
Wills schon lang nüm adäquat gstaltet isch, mit dere Gstalt wo jetzt drhindr walted
So bisch ned gwachse dene Gwalte, mit däne ich alti Dänkpatterns umgstalte
Mit Rap und Flows uf mattr-Beats ohni starri Forme ihzhalte
Mich idr Metamorphose ufhalte, mich schreiend under Schmärze verwanlde
Mini Fäde wie Side fin gschickt gwäbe, doch hert wie Ise, wie chalte herte Stahl
Damjas Stahlschwanz hed a min Chopf klatscht damals
Sit dem Rap adr Klatsche! Vom Noname-Rapper zu dim Beatbox und Klatsche
Zu Rap uf mattr Beats und– check emal die Beats ab
Und wenn mir das glinge mag, so chasch du das alle mal
Zumal du im Gägesatz hesch Charm, bisch eigentlich ganz sicher
Ich mein, ich weiss, du fühlsch dich zwar unsicher – aber äbe, das ischs au Läbe
I dene Zyte han ich dich känneglernt, und die unglaubliche berüährende Beats
Und jetzt isch alles vereint uf eim Track gmeislet in Reims
Gib en Figg uf dini Sälbschtzwifel, schmeiss Eris usem Tämpel
Ehris alli Qualitäte i dir inne, also bitte ehr is dä Tämpel
Freud und Leid, hemmer teilt
Hend ihgsteckt, hend usteilt
Hend üs trännt, hend üs geint
Hend vereint oft s’Gliche gmeint
Au wemmer nüt hed gseit
Freud und Leid teilt, ihgsteckt usteilt!
Trännti Wäg gange, wiedervereint
Im Geischte vereint in Eris Dunschtchreis
Zirbled adr Zwirbeldrüse bis zum Riss im Hypothalamus
Chasch das gspüre, wie ich chützele zum Schluss
Wie du musch Gigele zum Schluss und wills du 23 mal losisch,
Offebar ich dir s’Gheimnis: All Hail to Okhami Saman!
credits
from «Gueti Besserig» (2020),
released August 6, 2020
Hidden-Track: Instrumental feat. Abraxx (Hang, Beatbox) & FraMau (Rassel)
"Der Vogel kämpft sich aus dem Ei. Das Ei ist die Welt. Wer geboren werden will, muss eine Welt zerstören. Der Vogel fliegt zu Gott. Der Gott heißt Abraxas.“ Hermann Hesse