schriebe die ziile mit mim härz, bluet und schweiss
obwohl ich weiss, dass ich eigentlich nüt weiss
nur gspüre, was ich gspüre, ja fühle, was ich fühle
nur was mir für wahrnähmed, wird zu üsere wahrnähmig

ich tauche mini einschtmal stolze fädere is tintefass voller träne
beschrib drmit en chreis, kein horizontale, en vertikale
en spirale, kein chreisel wo sich nur um sich sälber chreist
heiligi geometrie, wo sich höchschtens sälbschterhöchend um sich treit

dr liebeschrieger, ufere unändliche reis, inere unändliche gschicht
wo sich erscht jetzt grad sälber schriebt, sich grad jetzt sälber erdichtet
fühl mich am grosse ganze verpflichtet,
nimme dich us dr verpflichtig, so wie mich
irgendöppis anderem drbi au no verpflichtet zsi

ich meine

ich wird mir nie ganz sicher si, ob mis handle grad richtig isch
aber ich handle, will ich frei bi. will ich en freie maa bin idr liebi
die befreiig findet hauptsächlich im inne statt, anstatt üsserlich
i dere entscheidig fürs grosse ganze, statt fürs chline bedürftige ich

befreiig dur ufriibig, was bekanntlich wärmi, sonit ufwind gid
was dr adler i mir lahd stiige, is liecht, ums niedere zbesiege
ha lieber dr ächt schmärz zum erliide, als wieder dr gliich vo dr uswiichig
s`läbe chreist ellei umd entscheidig, immer wieder id liebi zgfinde

mis nei zu dir, isch mis ja zu mir
mis ja zu dir au es nei zu mir
mis bei zu dir, isch mis ja zu mir
am du zum ich und vo da us is wir

mis nei zu dir, isch mis ja zu mir
mis ja zu dir au es nei zu mir
mis bei zu dir, isch mis ja zu mir
am du zum ich und vo da us is wir

wo isch dr schalthebel, bitte sägmr, wer stellt i üs d`weiche?
gilts jetz gränze zsetze, oder gilts jetzt gränze zerweiche?
welli perspektive? mit was isch das no zvergliiche?
unvergliichlich was erläbt gsi isch, doch d`erinnerig schiint plötzlich verbliche

vergäblich schiint si gsi zsi, die vergäblichi liebeamüäh, all die hiigab
doch ich säg dir: jedi liebesmüäh isches meh als wärt, dass mr si ihgahd
dini hiigab isch dini gab, erkännsch, du bisch was du gisch mänsch
i dim chärn bisch du liebi und die verschänkt sich als presänz